पोखरा : उपचारको लागि अस्पताल भर्ना एक जना बिरामी अस्पतालको झ्यालको शिशा फोरेर हाम्फालेका छन्।
बिहीबार करिब पौने पाँच बजेको समयमा पोखराको नयाँबजारस्थित चरक हस्पिटलमा उपचाररत बिरामीले अस्पतालको तेस्रो तलाबाट हाम फालेका हुन्।
लमजुङ घर भई पोखरा ११ फूलबारी बस्ने युवराज गुरुङले हाम्फालेको प्रहरीले जानकारी दिएको छ।
गुरुङको टाउकोमा गम्भीर चोट लागेको अस्पतालले जनाएको छ। ३० वर्षीय गुरुङलाई चरक हस्पिटलबाट मनिपाल शिक्षण अस्पताल फूलबारीमा रिफर गरिएको छ। उनको मानसिक समस्या रहेको प्रारम्भिक अनुसन्धानबाट खुलेको छ।
